على المنبر صعد رايد يغطيها *** عكب ذاك الكحل شو لنه عاميهه / قصيدة هدية للابراهيمي
--------------------------------------------------------------------------------
على المنبر صعد رايد يغطيها *** عكب ذاك الكحل شو لنه عاميهه
على المنبر صعد يخطب بعالي الصوت
اجت هاي الحكومة اللي تشيل الموت
وتأمن طريق اللي عليه نفوت
شو تالي كلب سافلهه عاليهه
****
شو تالي صفه كل حجية بالمكلوب
كام يذم اهلهه ومن دعمهه يتوب
ماتدري الينقله صدك لو مجذوب
لان كل ساعه صفحة لنه طاويهه
****
لان كل ساعة لنه راي يخلف راي
ويأملك سراب وما يشربك ماي
متذبذب يخوية بين هاي وهاي
وما تعرف شغلته وين تاليها
****
وما تعرف شغلته اعليك لو ياك
وتاليها المكايد بالظهر تنحاك
بحجة سيدي يحسين هالننعاك
ولو حاضر عيال حسين يسبيهه
******
يسبيهه ويزيد بفعلته الشينة
لان من المراجع غطه مأمنينه
نفس هاي السياسة الجارت علينه
بسبب نفس الغطه وهمه المغطيهه
على المنبر صعد رايد يغطيها *** عكب ذاك الكحل شو لنه عاميهه
السبت يناير 15, 2011 3:47 am
